पणजी: प्रस्तावित युनिटी मॉल आणि प्रशासन स्तंभ प्रकल्पाविरोधातील चिंबलवासीयांचे आंदोलन आता निर्णायक टप्प्यावर पोहोचले आहे. पुढील दोन दिवसांत राज्य सरकारचा निर्णय स्पष्ट होण्याची शक्यता आहे. दरम्यान, राज्यातील एसटी कर्मचाऱ्यांच्या ‘गाकुवेध’ संघटनेने उपोषणस्थळी भेट देत आंदोलनकर्त्यांना पाठिंबा जाहीर केला.
मुख्यमंत्री डॉ. प्रमोद सावंत यांनी गेल्या गुरुवारी मेरशी चौकात आंदोलनकर्त्यांची भेट घेतल्यानंतर हे दोन्ही प्रकल्प केंद्र सरकारचे असल्याने केंद्राशी चर्चा करूनच निर्णय घेतला जाईल, असे सांगितले आहे.
तसेच जिल्हा सत्र न्यायालयाने बांधकाम परवाना, पंचायत उपसंचालक आणि गटविकास अधिकाऱ्यांचे आदेश रद्दबातल ठरविले आहेत. त्यामुळे आंदोलनकर्त्यांच्या भूमिकेला बळ मिळाले आहे. त्यांच्या आक्रमक पवित्र्यामुळे आता सरकार काय भूमिका घेते, याकडे सर्वांचे लक्ष लागले आहे.
चिंबल ग्रामस्थांचे कदंब पठारावर सुरू असलेल्या उपोषणाला २२ दिवस झाले आहेत. या आंदोलनाला विविध गावांतील ग्रामस्थ, सामाजिक कार्यकर्ते, संघटना, विरोधी पक्ष आणि काही विरोधी आमदारांचा पाठिंबा मिळत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.