Global Maritime India Summit 2023: केंद्रीय मंत्री श्रीपाद नाईक यांनी शुक्रवारी (ता.६) ‘विश्व सागरी भारत परिषद २०२३’चे केंद्र मुंबईतील एमएमआरडीए मैदानाला भेट देऊन परिषदेच्या तयारीचा आढावा घेतला. भारत सरकारच्या बंदर, जहाजोद्योग व जलवाहतूक मंत्रालयातर्फे या परिषदेचे आयोजन होणार आहे.
केंद्रीय मंत्री श्रीपाद नाईक यांच्यावर या भव्य परिषदेची मोठी जबाबदारी देण्यात आली आहे. शुक्रवारी त्यांनी मुंबई पोर्ट प्राधिकरणाचे चेअरमन राजीव जलोटा, आएएस आणि अन्य ज्येष्ठ अधिकाऱ्यांसमवेत बैठक घेऊन एकूण तयारीचा घेतला.
तीन दिवस होणाऱ्या या परिषदेला ५० हजारांपेक्षा अधिक पाहुणे भेट देतील, असा अंदाज असून ४०० पेक्षा अधिक परदेशी गुंतवणूकदार आणि प्रतिनिधींचा या परिषदेत सहभाग अपेक्षित आहे.
तत्पूर्वी केंद्रीय मंत्री श्रीपाद नाईक यांनी दक्षिण आशियातील सर्वात भव्य गणल्या जाणाऱ्या ‘ईनमॅक्स’ प्रदर्शनानिमित्त मुंबई एग्झिबिशन सेंटर येथे आयोजित करण्यात आलेल्या कार्यक्रमाला संबोधित केले. या कार्यक्रमाला नाईक प्रमुख पाहुणे या नात्याने उपस्थित होते.
७० हून अधिक देश
१७ ते १९ ऑक्टोबर २०२३ या कालावधीत होणाऱ्या या परिषदेत ७० पेक्षा अधिक देश सहभागी होणार असून ४० पेक्षा अधिक आंतरराष्ट्रीय आणि ५० पेक्षा अधिक राष्ट्रीय वक्त्यांचे मार्गदर्शन लाभणार आहे.
या वर्षातील समुद्री क्षेत्रातील सर्वात मोठा उपक्रम मानल्या जाणाऱ्या या परिषदेत १५० पेक्षा अधिक आंतरराष्ट्रीय आणि राष्ट्रीय प्रदर्शक सहभागी होतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
