Arrival Charges Hike At Mopa Airport
मनोहर आंतरराष्ट्रीय विमानतळावर व्यावसायिक वाहन प्रवेशाच्या वेळेवर असलेले शुल्क वाढवण्यात आले आहे. टॅक्सी तसेच इतर व्यावसायिक वाहनांना आता विमानतळावर आल्यापासूनच्या पुढील 5 मिनिटासाठी 200 रुपये मोजावे लागणार आहेत.
याआधी टॅक्सी तसेच इतर व्यावसायिक वाहनांसाठी विमानतळावरील आगमन शुल्क 50 रु. इतके होते. ते वाढवून आता 0-5 मिनिटांसाठी 200 रु. करण्यात आले आहे. तर 5-10 मिनिटांसाठी तब्बल 500 रु. करण्यात आले आहे. यामुळे टॅक्सीचालक नाराज झाले आहे.
प्रवासी टॅक्सीमधून उतरून आपले सामान काढेपर्यंतच 5 मिनिटे होऊन जातात, असे मत एका टॅक्सीचालकाने व्यक्त केले आहे.
दरम्यान, बसेसना 30 मिनिट कालावधीसाठी आगमन शुल्क 1000 रु. आहे. दुसरीकडे खाजगी वाहनांना 0-5 मिनिटांसाठी कोणतेही शुल्क आकरण्यात येणार नाही. 5-10 मिनिटांसाठी 50 रु. तर 10 मिनिटांपेक्षा अधिक कालावधीसाठी 500 रु. शुल्क असणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.