पणजी: कोणत्याही परिस्थितीत पुन्हा राज्यात सत्ता मिळविण्याच्या तयारीत भाजप (Goa BJP) पक्ष असून, याला बळकटी येण्यासाठी भाजपचे राष्ट्रीय नेते तथा केंद्रीय गृहमंत्री अमित शहा ३० जानेवारीला गोवा दौऱ्यावर येणार आहेत. ते या दौऱ्यात गोव्यातील जनतेशी, कार्यकर्त्यांशी संवाद साधणार आहेत. (Union Home Minister Amit Shah will arrive in Goa on 30th of January)
राज्यातील नेत्यांशी चर्चा करून ते निवडणुकीपूर्व रणनिती ठरवणार आहेत. भाजपने (Goa BJP) जोरदार प्रचारालाही प्रारंभ केला असून, अमित शहा (Union Home Minister Amit Shah) यांच्या गोवा दौऱ्यामुळे त्याला आणखी बळ येणार आहे, अशी माहिती भाजपचे गोवा प्रभारी सी. टी. रवी यांनी दिली.
तत्कालीन मुख्यमंत्री मनोहर पर्रीकर (Manohar Parrikar) यांनी गोव्यात भाजपला वाढवण्यासाठी महत्त्वपूर्ण भूमिका बजावली. त्यांनी राज्याच्या हितासाठी महत्त्वपूर्ण निर्णय घेतले आहेत. मनोहर पर्रीकर यांनी भाजपसाठी केलेले कार्य हे न विसरण्याजोगे आहे. त्यामुळे पर्रीकर पुत्र उत्पल यांनी आपल्या निर्णयाचा पुनर्विचार करावा, असा सल्लाही सी. टी. रवी यांनी दिला. पर्रीकर यांचे स्वप्न पूर्ण करण्यासाठी उत्पल यांनी भाजपसोबत रहावे, असे असे ते म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
