Goa ST Reservation: गोव्यातील एसटींसाठी खुशखबर! राजकीय आरक्षण विधेयकाला केंद्रीय मंत्रिमंडळाची मंजुरी

Political Reservation For ST Community In Goa

गोवा विधानसभेत अनुसूचित जमातींना आरक्षण देण्याच्या विधेयकाला केंद्रीय मंत्रिमंडळाने गुरुवारी (दि.07 मार्च) मंजुरी दिली.

मंत्रिमंडळाने घेतलेल्या निर्णयांबाबत माहिती केंद्रीय मंत्री पियुष गोयल यांनी दिल्लीत पत्रकार परिषदेत दिली. अनुसूचित जमातींसाठी (एसटी) गोवा विधानसभेत जागा राखीव नाही, असे गोयल म्हणाले.

एसटी समुदायाच्या मागणीनुसार, मंत्रिमंडळाने 'अनुसूचित जमातींचे प्रतिनिधित्व पुनर्संरचना विधेयक, 2024 ला मंजूरी दिलीय, यामुळे जनगणना आयुक्तांना गोव्यातील अनुसूचित जमातीची लोकसंख्या सूचित करण्याचे अधिकार मिळणार आहे.

40 सदस्यसीय गोवा विधानसभेत एसटी आरक्षणासाठी निवडणूक आयोग संसदीय आणि विधानसभा मतदारसंघांच्या परिसीमन आदेश, 2008 मध्ये सुधारणा करेल.

गोवा विधानसभेत अनुसूचित जमातींना आरक्षण देणारे विधेयक सार्वत्रिक निवडणुकीनंतर आता आगामी सार्वत्रिक निवडणुकीनंतर लोकसभेत सादर केले जाऊ शकते.