केपे: केपे मतदारसंघातून सलग चार वेळा निवडून आलेले उपमुख्यमंत्री बाबू कवळेकर यांना पराभवाचा अनपेक्षित धक्का सहन करावा लागला. दुसरीकडे त्यांच्या पत्नी सावित्री कवळेकर यांनाही सांगेत विजयाने हुलकावणी दिली. या मतदारसंघांत अनुक्रमे काँग्रेसचे एल्टन डिकॉस्टा व भाजपचे सुभाष फळदेसाई विजयी झाले.
केपे मतदारसंघ राखण्यास यावेळी काँग्रेस पक्षाला यश आले आहे तर 2017 च्या निवडणुकीत सुभाष फळदेसाई यांचा सांगेतून पराभव झाला होता, त्याचा वचपा त्यांनी यावेळी काढला.
कवळेकर हे या मतदारसंघातून सलग चार वेळा काँग्रेस पक्षाच्या उमेदवारीवर निवडून आले होते. सावित्री कवळेकर यांनी भाजपचे सुभाष फळदेसाई यांच्याविरोधात सांगेतून उमेदवारी दाखल केल्याने फळदेसाई यांचे केपेतील समर्थक बरेच नाराज झाले होते.
सांगेतील राजकारण बाबू कवळेकर यांना भोवले. उपमुख्यमंत्रीपद मिळताच त्यांनी लोकांकडे दुर्लक्ष केले. सांगेत सुभाष फळदेसाई यांच्याविरोधात आपल्या पत्नीला उभे करून त्यांनी भाजपलाच आव्हान दिले होते. त्यामुळेच त्यांचा दारुण पराभव झाला.
- योगेश कुंकळयेकर
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
