Unemployment Rate: सर्वात छोटं राज्य; मात्र बेरोजगारीचा दर सर्वात अधिक!! तरुणांमध्ये बेरोजगारीचा आकडा वाढला

Unemployment Rate in Goan Youth

भारतातील सर्वात छोटं राज्य असलं तरीही गोव्याचा बेरोजगारीचा दर सर्वात अधिक आहे. पेरियॉडिक लेबर फोर्स सर्वे 2023-24 च्या माहितीनुसार गोव्यातील बेरोजगारीचा दर 8.7 टक्के असून हा आकडा संपूर्ण देशाच्या बेरोजगारी दाराच्या तुलनेत दुप्पट आहे.

राज्यात मुलांच्या बेरोजगारीचा दर 5.6 टक्के आहे तर मुलींमध्ये 16.8 टक्के बेरोजगारी पसरली असल्याने हा विषय चिंताजनक ठरू शकतो.

गोवा हा देशातील सर्वात शिक्षित राज्यांपैकी एक मानला जातो आणि सर्वात छोटं राज्य असून सुद्धा बेरोजगारीचा आकडा वाढल्याने यावर विचार केला जाण्याची गरज भासू लागली आहे. काही दिवसांपूर्वी बेरोजगारीचा कंटाळून राज्यातील युवापिढी व्यसनाधीन होत असल्याची बातमी समोर आली होती. यात मद्य, अमलीपदार्थ, तंबाखू अशा अनेक व्यसनांचा यात समावेश होता.