Quepem News : उगेत जिलेटिनचे तब्बल ५० खोके; पोलिसांची दिशाभूल

Quepem News

सावर्डे व सांगे भागात अनेक दगडाच्या खाणी असून खडी क्रशरवर मोठ्या प्रमाणात दगड पुरविण्यासाठी जिलेटिनचा वापर करण्यात येतो.

काही महिन्यांपूर्वी सावर्डे भागात गुन्हा अन्वेषण विभागाने अशीच कारवाई करून दोघांना अटक केली होती.

उगेत दगडाच्या खाणी असून दगड फोडण्यासाठी जिलेटिनचा वापर केला जातो. पण यावेळी जिलेटिनचे तब्बल पन्नास खोके तेही  पोलिसांची दिशाभूल करून आणण्यात आल्यामुळे उगे परिसरात भीतीचे वातावरण पसरले आहे. काल या स्‍फोटकांचा वापर करून पाचशे स्फोट केले आणि एका ठिकाणी मोठ्या प्रमाणावर दगड फोडले, असेही सांगण्‍यात येत आहे.

प्रशासनाच्या नजरेआड इतक्या मोठ्या प्रमाणावर जिलेटिनचा साठा राज्यातील सीमा ओलांडून उगेत गुरुवारी पहाटेच्या अंधारात दाखल झाला आहे.

एवढ्या मोठ्या प्रमाणावर दाखल झालेल्‍या या स्फोटकांचा वापर दहशतवादी कृत्यासाठीही केला जाऊ शकतो. उगे येथील जागृत रहिवाशांमुळे हा प्रकार उघडकीस आला असून संपूर्ण गाव दहशतीच्या छायेत आहे.

उगे येथील स्फोटकांविषयी पोलिसांना चुकीची माहिती देण्यात आली असून खाणीवर स्फोट घडवून आणण्यासाठी जिल्हाधिकाऱ्यांकडून परवानगी सुद्धा घेण्यात आलेली नाही, अशी माहिती उघड होत आहे.

पोलिसांना चकवा!

पाच किलोमीटर परिसरात असलेले साळावली धरण, उगेच्या लोकवस्तीचा भाग आणि अर्ध्या किलोमीटर अंतरावर असलेले राखीव वनक्षेत्र अशा संवेदनशील परिसरात तब्बल १२५० जिवंत जिलेटिन आणी डेटोनेटर्स उतरून खडीच्या खाणीत तब्बल पाचशे स्फोट घडवण्यात आल्याची घटना समोर आली आहे.

सांगे पोलिसांना चुकीची माहिती देऊन त्यांची दिशाभूल केल्यानंतर शुक्रवारी सकाळी काम फत्ते करून त्या गाड्या पुन्हा रत्नागिरीला रवाना झाल्या आहेत. त्यांना चकवा देऊन त्या गाड्या पसार झाल्या आहेत. उपयोग झाला नाही.