Anjuna Crime: दक्षिण गोव्यात मडगाव येथील एका महिलेला दोघा गुंडांनी अमानुष मारहाण केल्याची घटना ताजी असतानाच आता उत्तर गोव्यातील हणजुणे (Anjuna) येथे एका महिलेचा विनयभंग झाल्याची घटना समोर आली आहे.
या प्रकरणी हणजुणे पोलिस ठाण्यात तक्रार दाखल झाली आहे.
पोलिसांनी दोन संशयित तरूणांना अटक केली आहे. नौमान कावेश साबरी (वय 23) आणि राज शिंदे (28) अशी अटक केलेल्या संशयित आरोपींची नावे आहेत. तक्रारीत म्हटले आहे की, या दोघांनीही संबंधित महिलेला स्पर्श केला. तिला लज्जा निर्माण होईल, असे कृत्य केले.
या महिलेला साबरी आणि शिंदे याने शिवीगाळदेखील केली. हणजुणे पोलिसांनी साबरी आणि शिंदे यांना अटक केली आहे. त्यांच्याकडील आय ट्वेंटी कार (GA 03 Y 3399) देखील जप्त करण्यात आली आहे.
नौमान साबरी हा मूळचा जयंतीनगर, रायपूर, छत्तीसगड येथील आहे. तर राज शिंदे हा बार्देश येथील आहे. दोघांनीही महिलेला वाईट उद्देशाने स्पर्श केला. तिला खाली पाडले आणि तिच्यावर हल्ला केला. या दोघांवरही गुन्हा दाखल करण्यात आला आहे.
हणजुणेतील पोलिस उप निरीक्षक धीरज देवीदास या प्रकरणी अधिक तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
