लाईन दुरूस्ती आणि कपडे सुकत घालताना वीजेचा शॉक लागून दोघांचा मृत्यू; कुंकळ्ळी, कोलवाळ येथील घटना

गोव्यात दोन दिवसांत दोन कामगारांचा मृत्यू झाला आहे. कोलवाळ औद्योगिक वसाहतीमध्ये दुरूस्तीवेळी लाईन हेल्परचा तर, कुंकळ्ळीत कपडे सुकत घालत असताना आसाम येथील कामगाराचा मृत्यू झाला आहे.

कोलवाळ येथील औद्योगिक वसाहतीमध्ये दुरूस्तीवेळी वीजेचा झटका लागून लाईन हेल्परचा मृत्यू झाला. लाडू विष्णू पेडणेकर (वय 36, रा. केरी, पेडणे) असे अपघातात मृत्यू झालेल्या कामगाराचे नाव आहे.

कुंकळ्ळी औद्योगिक वसाहतीत भाड्याच्या खोलील राहणाऱ्या मूळच्या आसाम येथील कामगाराचा वीजेचा धक्का लागून मृत्यू झाला आहे. भुवनेश्वर देक्का (वय 30) असे या कामगाराचे नाव आहे.

भुवनेश्वर रात्री दहाच्या सुमारास ओले कपडे सुकत घालताना अचानक वीजेचा शॉक बसला आणि तो बेशुद्ध पडला. दरम्यान, त्याचा मृत्यू झाला आहे.