Peddem Accident: गोव्यातील पेडे येथे राष्ट्रीय महामार्गावर बुधवारी सायंकाळी दोन दुचाकींचा अपघात झाला. या अपघातात दुचाकीवरील दांपत्य जखमी झाले आहे. दांपत्त्यापैकी गाडी चालवत असलेली व्यक्ती गंभीर जखमी झाली असून गाडीवर पाठीमागे बसलेल्या महिलेला किरकोळ दुखापत झाली आहे.
एक तरूण भरधाव वेगात अॅक्टिव्हा ही दुचाकी चालवत होता. त्याचे दुचाकीवरील नियंत्रण सुटून हा अपघात घडला. गाडीवरील नियंत्रण सुटल्याने त्याची गाडी समोरील गाडीवर जाऊन जोरात आदळली. साडे सहाच्या सुमारास हा अपघात झाला. पेडे येथील वाहनांची नेहमी वरदळ असलेल्या जंकश्न जवळ हा अपघात झाला.
अॅक्टिव्हाने GA03AL 2822 या दुचाकीला पाठीमागून जोरदार धडक दिली. या अपघातात दोन्ही दुचाकींचे मोठे नुकसान झाले आहे. अपघतानंतर दोन्ही दुचाकींवरील प्रवासी रस्त्यावर पडले. जखमींना रूग्णवाहिकेतून रूग्णालयात दाखल करण्यात आले. जखमींवर उपचार सुरू आहेत.
दरम्यान, या अपघातानंतर घटनास्थळी मोठी गर्दी जमली होती. गर्दीतीलच लोकांनी रस्त्यावर पडलेल्या जखमींना उचलून बसवले, त्यांना पाणी दिले आणि त्यांना रूग्णालयात पोहचविण्याची व्यवस्था केली. यावेळी येथील वाहतूक काही काळ विस्कळीत झाली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.