म्हापसा: मोंतेगिरी येथे उड्डाण पुलावर दुचाकी व दोन कारचा अपघात झाला. ही घटना रविवारी रात्री 11:45 च्या सुमारास घडली. अपघातात प्रमेश मडगावकर (पालये उसकई) हा दुचाकीवर मागे बसलेला युवक ठार झाला, तर सिद्धेश कळंगुटकर (कळंगुट) हा युवक जखमी झाला आहे.
सिद्धेश आणि प्रमेश दुचाकीवरून जात होते. सिद्धेश गाडी चालवत होता आणि प्रमेश त्याच्या मागे बसला होता. हे दोघे पर्वरीकडून (Porvorim) म्हापसाच्या दिशेने जात होते. उड्डाण पुलावर दुचाकी शेवरलेट कारला धडकली. नंतर दुभाजकला आणि स्कॉर्पिओ जीपला त्याची ठोकर बसली. या धडकेत दुचाकीचे संतुलन बिघडले आणि प्रमेशचे डोके दुभाजकावर आदळून तो गंभीर जखमी झाला. जखमीवर उपचार सुरू आहेत. अपघाताचा (Accident) पंचनामा पोलीस (Police) उपनिरीक्षक आशिष पोरोब व हवालदार तुळशीदास नारोजी यांनी केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
