Mapusa: म्हापशात महामार्गालगत टाकाऊ भराव टाकणारे 2 ट्रक जप्त; दहा हजार दंडासह वाहतूक परवाना निलंबित

Debris at Mapusa Highway: म्हापसा येथील महामार्गालगत बेकायदेशीररित्या टाकाऊ भराव (डेब्रिस) टाकणारे दोन ट्रक बुधवारी जप्त करण्यात आले. बुधवारी दुपारी बार्देशच्या मामलेदारांनी हा कारवाई केली.

पोलिसांनी हे दोन्ही ट्रक जप्त केले आहेत. तसेच या दोन्ही ट्रकचालकांवरही कारवाई करण्यात आली आहे.

हे दोन्ही ट्रक जप्त करण्यात आले आहेत. या ट्रक चालकांना प्रत्येकी दहा हजारांचा दंड ठोठावण्यात आला आहे. तसेच वाहन चालकांचा वाहतूक परवाना सहा महिन्यांसाठी निलंबित केला आहे.

बार्देशचे मामलेदार प्रवीण गावस यांनी आपल्या सहकाऱ्यांसह या ट्रकना डेब्रिस टाकतानाच पकडले. ग्रीनपार्क ते तार जंक्शन मार्गावर सर्व्हिस रोडलगत हा प्रकार सुरू होता. बेती व सुकूर येथील कंपनीकडून हे साहित्य टाकले जात होते.

त्यांच्याकडे विचारणा केल्यावर ट्रकचालकांना उत्तरे देता आली नाहीत. त्यामुळे पोलिसांना माहिती देऊन त्यांना ताब्यात घेतले गेले.