Chhattisgarh Teachers In Goa: वैद्यकीय रजा अन् गोव्यात मजा! सरकारी शिक्षकांचे भलतेच काम आले समोर, दिले चौकशीचे आदेश

Chhattisgarh Teachers In Goa: छत्तीसगडच्या बालोद जिल्ह्यातील गुरुर विकास गटातील दोन शिक्षक वैद्यकीय रजा घेऊन गोव्यात ट्रीपसाठी गेले होते. त्यांचे गोव्यातील ट्रीपचे फोटो सर्वत्र व्हायरल झाले, आणि त्यानंतर ते गट अधिकाऱ्यांपर्यंत पोहोचले.

दरम्यान, या शिक्षकांबाबत आणखी एक प्रकरण समोर आले आहे. त्यानंतर या प्रकरणाची दखल घेत जिल्हा शिक्षणाधिकारी मुकेश साहू यांनी या प्रकरणाचा तपास करण्याच्या सूचना दिल्या आहेत. मनहरन लाल सिन्हा आणि तिभू राम गंगबर अशी या शिक्षकांची नावे आहेत.

शिक्षक मनहरन लाल सिन्हा हायस्कूल कणेरी आणि तिभू राम गंगबर हे ठेकवा शाळेचे शिक्षक आहेत. गोव्यात जाण्यासह त्याच्यावर कर्तव्याच्या काळात जमीन खरेदी-विक्रीचाही आरोप करण्यात आला आहे.

दोन्ही शिक्षक जमीन खरेदी-विक्रीचे काम करतात. अशी तक्रार आल्यानंतर गुरुर विकास गटाचे शिक्षणाधिकारी ललित चंद्राकर यांनी सांगितले. विभागीय माहितीशिवाय सरकारी कर्मचारी असे काम करू शकत नाहीत, असे ते म्हणाले.

तसेच, वैद्यकीय रजा लागू करून गोव्याला जाण्याचे प्रकरण समोर येत आहे. या प्रकरणाची गांभीर्याने चौकशी करण्यात येत आहे.

तपासाची जबाबदारी गट शिक्षणाधिकाऱ्यांकडे देण्यात आली आहे. तपासात दोन्ही शिक्षकांवरील आरोप खरे आढळल्यास त्यांना नोटीस बजावली जाऊ शकते. या दोन्ही शिक्षकांवर शाळेतून वारंवार गायब असल्याचा आरोपही करण्यात आला आहे.

मिळालेल्या माहितीनुसार, दोन्ही शिक्षक जमीन खरेदी-विक्रीचे काम करतात, मात्र जमिनीच्या कामात कोणीही साक्षीदार बनत नाही. काही दिवसांपूर्वी त्याच्या जवळपास 5 ते 10 रजिस्ट्री झाल्या होत्या. आता त्यांच्या गोवा ट्रीप खूप चर्चा होत आहे. दोघेही विमानाने गोव्याला गेले. शिक्षकाने स्वतः याचे फोटो स्टेटसमध्ये शेअर केले होते.