Goa Police Accident: भरधाव कारच्या धडकेत 2 पोलिसांचा मृत्यू

Goa Police Accident: सध्या राज्यात विधानसभा निवडणूक जाहीर झाल्यामुळे गोव्यात जागोजागी गोवा पोलिसांचा कडक बंदोबस्त करण्यात आला आहे. आचारसंहितेचा (Social Code of Conduct) भंग होऊ नये यासाठी ठिकठिकाणी पोलिसांची (Goa Police) टीम तैनात आहे. याचदरम्यान कामावर रुजू असताना दोन पोलिसांसोबत अपघात झाल्याचे वृत्त समोर आले आहे.

दक्षिण गोव्यातील सेरलीम येथे हा अपघात (Accident) झाला आहे. नाकाबंदीच्या ड्युटीवर असणाऱ्या पोलिसांना भरधाव कारने उडवल्याची धक्कादायक घटना घडली आहे. या भरधाव कारच्या घडकेत शैलेश गावकर आणि विश्वास देयकर या दोघा पोलिस कॉन्स्टेबलचा मृत्यू झाला आहे. तरी कारचालक गोवा पोलिसांच्या ताब्यात असून यासंबंधीचा पुढील तपास गोवा पोलिस करत आहेत. या प्रसंगबद्दल नगरिकांमधून शोक व्यक्त होत आहे.