बांबोळीत दोन घरगुती सिलिंडरचा स्फोट झाल्याची घटना समोर आली असून, परिसरातील काही घरांना आग लागल्याची माहिती आहे. स्फोट झालेल्या परिसरात मजुरांच्या झोपड्या आहेत.
आगीत मोठी हानी झाली नसली तरी आगीमुळे धुराचे लोळ हवेत पसरले होते. सुदैवाने या घटनेत कोणतीही जिवीतहानी झालेली नाही.
बांबोळी येथे मजुरांच्या काही झोपड्या आहेत, याठिकाणी सुमारे १४० झोपड्या असून, यातील १० ते १२ झोपड्यांना आग लागल्याची माहिती पोलिसांनी सकाळी साडे दहाच्या सुमारास मिळाली. आग पसरल्यानंतर येथील दोन एलपीजी सिलिंडरचा स्फोट झाल्याची माहिती स्थानिकांनी दिली.
दरम्यान, घटनास्थळी पणजी अग्निशमन दलाचा आणि इतर एक बंब दाखल झाला आणि आगीवर नियंत्रण मिळवण्याचे प्रयत्न सुरु झाले. यावेळी लगतच्या इतर झोपड्यांमधून सिलिंडर बाहेर काढण्यात आले. अग्निशमन दलाच्या जवानांच्या अथक प्रयत्नानंतर आगीवर नियंत्रण मिळवण्यात आले.
आगीचे कारण अद्याप समोर आलेले नाही. शॉर्ट सर्किट अथवा दिवा पेटवल्याने आग लागल्याची शक्यता व्यक्त केली जात आहे. एका झोडपीत दोघे ते तिघेजण राहत असल्याची महिती असून, सुमारे ४० ते ५० हजारांचे नुकसान झाल्याची माहिती समोर आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
