धुळेर-म्हापसा येथे अंमलीपदार्थविरोधी पथकाने काल सकाळी 9 च्या सुमारास सापळा रचून कामुर्ली-बार्देश येथील फैयाझ बाबूसाब नडाफ या तरुणाला अटक केली असून त्याच्याकडून एक किलो गांजा व 120 ग्रॅम हशिश तेल जप्त केले. या अंमलीपदार्थाची आंतरराष्ट्रीय बाजारपेठेतील किंमत सुमारे 2.20 लाख रुपये असल्याची माहिती या कक्षाचे उपअधीक्षक नेर्लोन अल्बुकर्क यांनी दिली.
पोलिस गस्तीवर असताना धुळेर येथे एका तरुणाला झडती घेतली असता त्याच्याजवळ ड्रग्ज आढळून आले. त्याने हे ड्रग्ज विक्रीसाठी आणले होते. त्याने हे ड्रग्ज कोठून आले याची माहिती उपलब्ध केली नाही तरी पोलिस कोठडीतील चौकशीत त्याची माहिती मिळवली जाईल. संशयित फैयाझ नडाफ या मूळचा हुबळी - कर्नाटक येथील असून गेली अनेक वर्षे तो कामुर्ली - बार्देश येथे त्याच्या वडिलांच्या घरात राहते.
संशयित फैयाझ नडाफ हा यापूर्वी वाहन चालक होता. त्यानंतर त्याने काही दिवस सेल्समनची नोकरी केली होती. झटपड पैसा मिळवण्यासाठी त्याने नोकरीबरोबरच ड्रग्ज पुरवठा करण्याचे काम करू लागला होता. त्याने स्कूटरच्या डिकीमध्ये गांजा व हशिश तेल लपविले होते. त्याला ३ दिवसांची पोलिस कोठडी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
