वागातोर येथे गॅस सिलेंडरचा स्फोट झाल्याने मोठा अपघात झाला आहे. या स्फोटात दोन स्टॉल जळून खाक झाले आहेत. यामध्ये एका स्टॉल मालकाचे पन्नास हजार तर, दुसऱ्या स्टॉल मालकाचे दोन लाखांचे नुकसान झाले आहे. आज (शुक्रवारी, दि.23) पहाटे पाच वाजता ही घटना घडली.
म्हापसा अग्निशमन दलाच्या वतीने दिलेल्या माहितीनुसार, वागातोर येथील Antaraez परिसरात दोन गाळ्यांना पहाटे आग लागली. म्हापसा अग्निशमन दलाला याबाबत माहिती मिळताच एक बंब घटनास्थळी दाखल झाला. अग्निशमन दलाच्या जवानांनी तात्काळ आगीवर नियंत्रण मिळवले. या घटनेत स्टॉलधारक ज्ञानेश्वर चिमुलकर आणि संतोष आंबेकर यांच्या स्टॉलचे अडीच लाख रूपयांचे नुकसान झाले आहे. यामध्ये साठ हजार रूपयांचे नुकसान होण्यापासून बचाव करण्यात आला.
ज्ञानेश्वर सावंत, नितीन चोडणकर, हितेश परब आणि गिरीश गवस या अग्निशमन जवांनानी या कारवाईत सहभाग घेतला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.