Colva: कोलवा येथील हॉटेलमध्ये आढळला अमेरिकन नागरिकाचा मृतदेह

कोलवा पोलिस स्थानकाच्या हद्दीतील एका निवासी हॉटेलमध्ये विदेशी नागरिकाचा मृतदेह आढळून आला. मूळ अमेरिकन नागरिक असलेल्या या व्यक्तीचे रॉबर्ट कार्लोस दुमास (82) असे नाव आहे. कोलवा येथील निवासी हॉटेलच्या रूममध्ये रॉबर्ट अत्यवस्थ अवस्थेत आढळल्याने त्यांना मडगाव येथील जिल्हा हॉस्पिटलमध्ये दाखल करण्यात आले. मात्र तेथील डॉक्टरांनी त्यांना मृत घोषित केले. कोलवा पोलिसांनी ही माहिती दिली.

रॉबर्ट दुमास याच्यावर सहा महिन्यांपूर्वी बांबोळी येथील हॉस्पिटलमध्ये हृदय शस्त्रक्रिया करण्यात आली होती. या प्रकरणी कोलवा पोलिसांनी अमेरिकन दूतावासाला सूचित केले असून पुढील प्रक्रिया सुरू असल्याची माहिती कोलवा पोलिसांनी दिली. त्याचा मृतदेह मडगाव येथील जिल्हा हॉस्पिटलच्या शवागरात ठेवण्यात आला आहे.

अल्पवयीन मुलीवर बलात्कार केल्याप्रकरणी 19 वर्षीय युवकाला अटक

सोळा वर्षीय अल्पवयीन मुलीवर बलात्कार केल्याप्रकरणी 19 वर्षीय युवकाला फातोर्डा पोलिसांनी अटक केली आहे. सुरेंद्र ओरॉन (रा. झारखंड) असे या युवकाचे नाव आहे. ऑगस्टमध्ये युवकाने या मुलीवर बलात्कार केला होता. मुलगी गरोदर राहिल्याने हा प्रकार उघडकीस आला.