Canacona: विहीरीत बुडून दोघांचा मृत्यू; काणकोण गुळे येथील घटना

Canacona News: काणकोण गुळे येथे दोन व्यक्ती विहीरीत पडल्याची घटना शुक्रवारी संध्याकाळी घडली. त्यापैकी एकाचा मृतदेह विहीरी बाहेर काढण्यास अग्निशामन दलाला यश आले. तर दुसऱ्या व्यक्तीचा शोध सुरू आहे. पोलिस पुढील तपास करीत आहेत.

याबाबत मिळालेल्या माहितीनुसार, दोघेही बुडालेले इसम तेथील पेट्रोल पंपावरील कर्मचारी होते. तसेच दोघेही पोहण्यात तरबेज होते. दोघेही आज सायंकाळी 7 वाजण्याच्या सुमारास विहिरीत मृत कासव काढण्यासाठी उतरले होते. यावेळी ते बुडाल्याचे तेथील स्थानिकांना कळताच त्यांनी अग्निशामक दलाचे जवान आणि काणकोण पोलिसांना संपर्क साधला.

अग्निशामक दलाचे जवान आणि पोलिसांनी घटनास्थळी धाव घेत बुडालेल्यांचा शोध सुरू केला. या शोधकार्यात एकाचा मृतदेह विहीरी बाहेर काढण्यास अग्निशामन दलाला यश आले. तर दुसऱ्याचा शोध सुरु आहे.