Goa Accident News : सुकतळी-मोले येथे दोन वाहनांचा भीषण अपघात; चौघे गंभीर जखमी

Suktali Mollem Car Accident : मोले सुकतळी टेट्रा फॅक्टरीजवळ आज दोन कारमध्ये झालेल्या अपघातात छत्तीसगड येथील तिघेजण जखमी झाले. ज्युलिओ रेव्हिडो आणि महिला नरून निसा अशी जखमींची नावे आहेत. तर दुसऱ्या कारमधील चालक मंजुनाथ बी. सिद्धगेरेमठ आणि नागराज अश्विन (दोघेही धारवाड) यांना किरकोळ जखमा झाल्या आहेत.

कुळे पोलिसांच्या माहितीनुसार, हा अपघात आज सकाळी 11.45 वाजता घडला असून काळ्या रंगाची कार (क्र. जीए 07 सी 8701) फोंड्याहून मोलेच्या दिशेने येत होती. तर धारवाड येथून फोंड्याच्या दिशेने येणारी इनोव्हा कार (क्र. केए 25 झेड 7555 ) सुकतळी टेट्रा फॅक्टरीजवळ राष्ट्रीय महामार्गावर आली असता दोन्ही वाहनांमध्ये धडक झाली. कार चालक ज्युलिओ व नरुन मिसा आणि इनोव्हा कार चालक मंजुनाथ यांना

इनोव्हा कार व अल्टो कार यांच्यात समोरा समोर अपघात झाल्याने पणजी तिसवाडी येथील अल्टो कार चालक कार चालक ज्युलिओ व नरुन मिसा गंभीर जखमी झाले तर इनोव्हा कार चालक मंजुना व नागराज अश्विन रा. धारवाड किरकोळ जखमी झाले आहेत.

अल्टो कारमधील ज्युलिओ व नरुन निसा यांची प्रकृती गंभीर असल्याची माहिती पोलिसांनी दिली. दरम्यान, कुळे पोलिस निरीक्षक सगुण सावंत यांच्या मार्गदर्शनखाली उपनिरीक्षक अजय धुरी यांनी अपघाताचा पंचनामा केला. जखमींना अधिक उपचारासाठी गोवा वैद्यकीय महाविद्यालयात दाखल करण्यात आले आहे.