Anjuna: नवीन वर्षांच्या पार्ट्यांना गोव्यात सुरवात झाली आहे. त्या पार्श्वभुमीवर अमली पदार्थांच्या तस्करीचे प्रकारही समोर येत आहेत. गेल्या काही काळात पोलिसांनी सातत्याने अमली पदार्थांच्या तस्करीचे अनेक प्रकार उघडे पाडले आहेत. नुकतेच पोलिसांच्या क्राईम ब्रँच शाखेने हणजून येथेही अशीच कारवाई केली आहे.
हणजूण येथील कारवाईत पोलिसांनी दोघांना अटक केली आहे. त्यांच्याकडून एक लाख दोन हजार रूपयांचे अंमली पदार्थ जप्त केले आहेत. यात 74 ग्रॅम चरस आणि 92 ग्रॅम गांजाचा समावेश आहे. हफजल हबीब (43) आणि प्रीतेश संगम (35) अशी अटक केलेल्यांची नावे आहेत. पैकी हबीब हा मूळचा केरळचा आहे. तर प्रीतेश हा हणजूण येथीलच रहिवाशी आहे.
दोनच दिवसांपुर्वी 28 डिसेंबर रोजी महाराष्ट्र पोलिसांनी ठाणे रेल्वेस्थानकावर एकाला पकडले होते. त्याच्याकडे चार किलो चरस सापडला होता. मुंबई आणि गोव्यात हे चरस विकले जाणार होते. त्याची किंमत 8 लाख रूपये होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.