Illegal Sand Extraction: बेकायदेशीररित्या वाळू उपसाप्रकरणी दोघांना अटक; पेडणे पोलिसांची कारवाई

Goa Illegal Sand Extraction: पोलीस यंत्रणा सक्रिय असूनही अनेकदा बेकायदेशीररित्या वाळू उपसा सुरूच असल्याच्या घटना समोर येत असतात. पेडणे येथे अशीच घटना समोर आली असून आरोपींना ताब्यात घेण्यात आले आहे.

उपलब्ध माहितीनुसार, बेकायदेशीररित्या वाळू वाहतूक करणाऱ्या कुडाळ येथील दोघांना पेडणे पोलिसांनी काल (शनिवारी) ताब्यात घेतले. यामध्ये चालक वासुदेव धुरी (23, इन्सुली) आणि अमित महाले (40, बांदा) अशी अटक केलेल्यांची नावे आहेत.

पोलिसांनी त्यांच्याकडून ट्रक जप्त केले असून पोलीस पुढील तपास करत आहेत.

दरम्यान, काही दिवसांपूर्वी न्यायालयाने बेकायदा रेती उपसावरून सरकारला धारेवर धरले होते. याबाबत रेती काढण्यासाठी परवाने देण्यास आणखी सहा महिने लागतील, अशी माहिती मुख्यमंत्री डॉ. प्रमोद सावंत यांनी दिली. मुख्यमंत्र्यांनीच ही माहिती दिल्याने येत्या पावसाळ्यापर्यंत राज्यात कायदेशीरपणे रेती काढणे शक्य होणार नाही, असे स्पष्ट झाले आहे.