डिचोली: आपल्याला जन्म देणारे आई-वडील, ज्ञान देणारे गुरू यांचे आपण सदैव ऋणी राहिले पाहिजे, परंतु आज वृद्ध आई-वडिलांचा छळ करणारे, आई वडिलांना वृद्धाश्रमाची वाट दाखवणाऱ्यांची संख्या वाढत आहे, अशी खंत मयेचे आमदार प्रेमेंद्र शेट यांनी व्यक्त केली.
वृद्ध आई-वडिलांचा छळ थांबविण्यासाठी सर्वांनी एकत्र येऊन यावर वेळीच उपाय करणे काळाची गरज आहे. ज्येष्ठ नागरिकांच्या समस्या सोडविण्यासाठी आपण सक्रिय सहकार्य करणार असल्याचेही श्री. शेट म्हणाले. आमदार श्री. शेट यांनी डिचोली येथील बाबा सावईकर सेवा प्रतिष्ठान संचालित ‘सेकंड इनिंग्ज’ या ज्येष्ठ नागरिक सेवा केंद्राला सदिच्छा भेट दिली. त्यावेळी आयोजित कार्यक्रमात ते बोलत होते.
यावेळी व्यासपीठावर बाबा सावईकर प्रतिष्ठानचे विश्वस्त रमाकांत शेट्ये, सेकंड इनिंग्जचे कार्यवाह देऊ पळ, ज्येष्ठ नागरिक मंचचे अध्यक्ष कॅजिटन वाझ आणि ॲड. नारायण नार्वेकर उपस्थित होते. रमाकांत शेट्ये यांनी स्वागत केले. ॲड. नार्वेकर यांनी आमदार श्री. शेट यांची ओळख करून दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
