खांडेपार येथे ट्रक-टेंम्पो अपघात; चालक जखमी

फोंडा: खांडेपार येथील जुन्या पुलावर रात्री अवजड ट्रक व दूधवाहू टेंम्पो यांच्यात झालेल्या जोरदार धडकेत टेंम्पोचालक जबर जखमी झाला. टेंम्पोतील अन्य एकजण किरकोळ जखमी झाला. हा अपघात बेळगावहून गोव्यात दूध घेऊन आलेल्या एमएच 09 एफएल 5245 या क्रमाकांच्या टेंम्पो व केए 22 एल 9348 या क्रमांकाचा अवजड ट्रक यांच्यात झाला. टेंम्पो फोंड्याच्या दिशेने तर ट्रक उसगावच्या दिशेने जात होता.

भरधाव ट्रकची ठोकर बसल्याने टेंम्पोचे मोठे नुकसान झाले असून टेंम्पोचालक किरण रेडकर हा गंभीर जखमी झाला. त्याला बांबोळी इस्पितळात उपचारासाठी दाखल करण्यात आले आहे. टेंम्पोमधील विजय हेगडे हा किरकोळ जखमी झाला. दोघेही कोल्हापूर येथील रहिवासी आहेत. फोंडा पोलिसांनी पंचनामा केला.