Truck Accident at Bambolim: आज पहाटे बांबोळी येथे राष्ट्रीय महामार्गावर एका ट्रकचा अपघात झाला आहे. महामार्गाच्या बाजूला असलेल्या बॅरीकेडला धडक बसल्याने हा अपघात घडला असल्याचे सांगण्यात येत आहे. ट्रक बॅरीकेडला धडकून पलटी झाला आहे.
सुदैवाने या अपघातात ड्रायव्हर सुखरूप बचवला आहे. ट्रक वेर्णाकडून भिवंडीला जात होता. या अपघातानंतर असे म्हटले जात आहे की, अधिकार्‍यांनी वैयक्तिक हितासाठी NH चा मूळ प्रस्तावित मार्ग वळवला असून त्याचा परिणाम म्हणजे हे असे अपघात होत आहेत.
ज्या ठिकाणी अपघात झाला त्याच्या विरुद्ध एका मोठ्या व्यावसायिक इमारतीचे काम सुरू आहे. त्याच जागी मूळ राष्ट्रीय महामार्ग पास होणार होता. त्यामुळे या नियमित अपघातास जबाबदार कोण? असा सवाल उपस्थित करण्यात येत आहे.
दरम्यान, परवा एक विचित्र अपघात खांडेपार येथे घडला. ओपा - खांडेपार तिठ्यावर परवा संध्याकाळी सातच्या सुमारास सहा वाहनांचा विचित्र अपघात झाला. सुदैवाने या अपघातात वाहनचालक किरकोळ जखमांवर बचावले.
मात्र, तीन दुचाक्यांचा चुराडा झाला, तर दोन्ही ट्रकांसह कारगाडीचेही मोठे नुकसान झाले. या तिठ्यावर उभे असलेल्या चौघांनी प्रसंगावधान राखून रस्त्याच्या बाजूला उडी घेतल्याने ते सुदैवाने बचावले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
