विठ्ठलापूर साखळी येथे दरवर्षीप्रमाणे साजऱ्या करण्यात येणाऱ्या राज्यस्तरीय त्रिपुरारी पौर्णिमा व नौकानयन स्पर्धेची जय्यत तयारी सुरू आहे. वाळवंटी नदीकिनारी सध्या या सोहळ्यासाठी येणाऱ्या प्रेक्षकांना बसण्यासाठी खास स्टँन्ड उभारण्यात येत आहे.
संपूर्ण परिसराची साफसफाई करण्यात येत आहे. मंदिराच्या बाजूला खास व्यासपीठ व आसनव्यवस्था निर्माण करण्यात आली आहे. गोवा राज्य कला व संस्कृती खाते, पर्यटन खाते, माहिती व प्रसिध्दी खाते, दिपावली उत्सव समिती विठ्ठलापूर साखळी यांच्या संयुक्त विद्यमाने होणाऱ्या या सोहळ्यात माहिती व प्रसिध्दी खात्यातर्फे मुख्यमंत्री डॉ. प्रमोद सावंत यांच्या नेतृत्वाखाली साकारण्यात आलेल्या गोव्यातील ४० लक्षवेधी विकास प्रकल्पांच्या फोटोंचे दालन थाटण्यात येणार आहे.
नौकानयन स्पर्धेपूर्वी "उभा नटरंग" हा खास संगिताचा कार्यक्रम होणार आहे. नौकानयन स्पर्धेत सहभागी होणाऱ्या आकर्षक नौकांचे काम सध्या युध्दपातळीवर सुरू आहे. आमदार प्रेमेंद्र शेट यांनी या कामाची भेट देऊन पाहणी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
