Tribute Rally: नवेवाडेत मेणबत्त्या पेटवून वीणाला श्रद्धांजली

Tribute Rally: वाणी खानापूर या 6 वर्षीय मुलीच्या मृत्युप्रकरणाच्या तपासातील दिरंगाईबद्दल नवेवाडेतील रहिवाशांनी मेणबत्ती रॅली काढून निषेध केला. नवेवाडे येथे दुर्गामाता मंदिराजवळील हाउसिंग बोर्ड कॉलनीतील पीडितेच्या घरापासून काढण्यात आलेल्या या मेणबत्ती रॅलीत दुर्दैवी मुलीचे पालक व नातेवाइकांसह मोठ्या संख्येने नागरिक सहभागी झाले होते.

डॉक्टर आणि वैद्यकीय कर्मचाऱ्यांना माझ्या मुलीवर लवकर उपचार करण्याची विनंती करूनही त्यांनी दुर्लक्ष केल्यानेच माझ्या मुलीचा मृत्यू झाला. या प्रकरणी पोलिसांनी या प्रकरणाचा लवकर तपास करून संबंधित डॉक्टर व कर्मचाऱ्यांवर कारवाई करावी,

अशी मागणी वीणा खानापूर हिच्या आईने केली आहे. मेणबत्ती रॅलीत सहभागी झालेल्या रहिवाशांनी नवेवाडे येथील रेल्वे उड्डाण पुलाजवळ वाणी हिच्या फोटोला पुष्पहार अर्पण करून आदरांजली वाहिली.