Goa police: पोलिस खात्यातील 15 उपनिरीक्षक व 6 सहाय्यक उपनिरीक्षकांसह 183 पोलिस कर्मचाऱ्यांच्या बदल्यांचा आदेश जारी करण्यात आला आहे. गेल्या काही वर्षापासून एकाच जागी असलेल्यांची ही बदली करण्यात आली आहे. ‘इफ्फी’ नंतर निरीक्षक व उपअधीक्षकांच्याही बदल्यांबाबत हालचाली सुरू झाल्या आहेत.
उपनिरीक्षक अधिकाऱ्याची कमतरता असलेल्या महिला पोलिस स्थानकात एकाचीही वर्णी लावण्यात आलेली नाही. महिला पोलिस स्थानकात गेल्या काही महिन्यापासून पोलिस निरीक्षक एकहाती कामकाज हाताळत आहेत. या स्थानकातील दोन उपनिरीक्षक रजेवर गेले आहेत.
काही दिवसांपूर्वी एका उपनिरीक्षकाची वर्णी लावली होती, तिनेही येथून इतरत्र बदली करवून घेतली आहे. सध्या या पोलिस स्थानकात एकही उपनिरीक्षक नाही. उपनिरीक्षकाची उणीव असल्याची माहिती वरिष्ठ पोलिस अधिकाऱ्यांना देण्यात आलेली आहे. मात्र, त्याकडे दुर्लक्ष होत आहे.
महिला पोलिस स्थानक अडचणीत
15 पोलिस उपनिरीक्षकांच्या बदल्या करण्यात आल्या. त्यात तीन महिला उपनिरीक्षक आहेत. त्यातील एकाचीही महिला पोलिस स्थानकात बदली करण्यात आलेली नाही. या उलट महिला पोलिस स्थानकात असलेल्या सहाय्यक उपनिरीक्षकाची बदली करण्यात आली आहे.
महिलांसंदर्भात अनेक तक्रारी या महिला पोलिस स्थानकाकडे येत असल्याने त्या हाताळण्याचा अधिकार उपनिरीक्षक व निरीक्षकपदाच्या अधिकाऱ्याला आहे. सध्या एकमेव पोलिस निरीक्षक असल्याने महिला पोलिस स्थानकातील कामकाजावर परिणाम होत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
