मडगाव: मडगाव रेल्वे स्थानकावर चोराने रविवारी रेल्वे प्रवाशाकडील सोन्याचे दागिने, एक मोबाईल फोन, रोख रक्कम व इतर महत्त्वाची कागदपत्रे लांपास केली. चोराने प्रवाशाला एकूण 75000 रुपयांचा गंडा घातला. (Margao Railway Station Goa)
कोकण रेल्वे पोलिसांनी (Police) देलेल्या माहितीनुसार, अंकोला येथील श्याम कसबे (36) यांनी फिर्याद दिली आहे की, मडगाव रेल्वे स्थानकावर ट्रेनमध्ये चढताना एका अज्ञात व्यक्तीने त्यांच्या पत्नीच्या पर्समधून सोन्याचे दागिने आणि रोख रक्कम चोरी केली. यामध्ये 10 ग्रॅम वजनाचे सोन्याचे दागिने, 15000 रुपये किमतीचा मोबाईल फोन आणि 2000 रुपयांचा समावेश होता. यासोबत पर्समध्ये एटीएम कार्ड, आधार कार्ड (Aadhaar Card), मतदार ओळखपत्र, ड्रायव्हिंग लायसन्स यासारखी कागदपत्रे देखील होती. पोलिसांनी सांगितले की, श्याम आपल्या कुटुंबासह कारवार ते पनवेल-महाराष्ट्र असा प्रवास करत होता.
कोकण रेल्वे पोलिसांनी दिलेल्या तक्रारीच्या आधारे आयपीसी कलम 379 अन्वये गुन्हा दाखल करण्यात आला आहे. दरम्यान, रेल्वे पोलिसांनी काही दिवसांपूर्वी सुमित सिंगला मोबाईल (Mobile) चोरीच्या आरोपाखाली अटक केली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
