Truck And Car Accident In Goa: राज्यात अपघातांचे सत्र सुरुच आहे. शनिवारी राज्यात 3 अपघात झाल्याची माहिती मिळत आहे. यातील पहिला अपघात सकाळी ओल्ड गोवा खोर्ली येथे ट्रकचा अपघात झाला. दुसरा अपघातात शिवोलीत मद्यधुंद अवस्थेत कारचालकाने विजेच्या खांबाला धडक दिली तर तिसरा अपघात ढवळीतील उड्डाणपूलावर झाला.
याबाबत मिळालेल्या माहितीनुसार, पहाटे ओल्ड गोव्यातील खोर्ली येथे ट्रकचा स्वयंअपघात झाला आहे. ट्रकवरील चालकाचे नियंत्रण सुटल्याने ट्रक एका शेडमध्ये घुसला. या शेडमध्ये काही लोकं झोपली होती. सुदैवाने या शेडमधील 4 लोकं बचावली. या धडकेत शेडचे नुकसान झाले तर ट्रकचेही मोठ्या प्रमाणात नुकसान झाले आहे.
तर ढवळीतील उड्डाणपुलावर एका कारचा अपघात झाला आहे. या अपघातात कारच्या प्रथमदर्शनी भागाचे नुकसान झाले. उड्डाणपुलावर कारने ट्रकला पाठीमागून धडक दिली. या धडकेत कारचालक जखमी झाला असून चालकाला रुग्णालयात दाखल करण्यात आले आहे.
तर शिवोलीत मद्दधुंद अवस्थेत मध्य प्रदेशातील पर्यटकाची भरधाव रेंट अ कार विजेच्या खांबाला जावून धडकली. या धडकेत कारचे नुकसान झाले. या अपघातानंतर परिसरात वाहतूक कोंडी झाली. तसेच धडकेत विजेच्या खांबाचे नुकसान झाले आहे. त्यामुळे परिसरातील वीजपुरवठा तात्पुरता खंडित झाला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.