शिवोलीत दारू पिऊन पर्यटकाच्या कारची विजेच्या खांबाला धडक! वीजपुरवठा खंडित, वाहतूक खोळंबली

Drunk and Drive Accident in Siolim

मागील काही दिवसांमध्ये दारूच्या नशेत वाहन चालवून अपघात होण्याच्या घटना मोठ्या प्रमाणात वाढल्या आहेत. यामध्ये प्रामुख्याने राज्यात येणाऱ्या पर्यटकांचा समावेश असतो. अशीच एक घटना शिवोलीमध्ये घडली असून मध्य प्रदेशातील पर्यटकाच्या वाहनाचा अपघात झाला आहे.

माहितीनुसार, गोव्यात आलेल्या मध्य प्रदेशातील पर्यटकाने GA08 V 6196 ही कार भाड्याने एक कार घेतली होती. यावेळी दारूच्या नशेतच तो कार चालवत असल्याचे सांगण्यात येत आहे. त्यावेळी कारवरील नियंत्रण सुटून त्याची विजेच्या खांबाला जोरदार धडक बसली.

ही घटना शिवोलीमधील मार्ना परिसरात घडली आहे. या अपघातानंतर परिसरात वाहतूक कोंडी झाली. या घटनेमुळे पर्यटकांमध्ये मद्यपान करून वाहन चालवण्याच्या समस्येकडे पुन्हा एकदा लक्ष वेधले गेले आहे.

घटनास्थळी असलेल्या साक्षीदारांनी दिलेल्या माहितीनुसार, हा अपघात होण्यापूर्वी ड्रायव्हर मद्यधुंद अवस्थेत होता आणि तो बेपर्वाईने गाडी चालवत होता. त्यामुळेच शेवटी त्याची धडक विजेच्या खांबाला बसली.

या धडकेत विजेच्या खांबाचे नुकसान झाले आहे. त्यामुळे परिसरातील वीजपुरवठा तात्पुरता खंडित झाला. याबाबत अधिक तपास सध्या सुरू आहे