Margao Railway Station: सीटी बसगाड्यांमुळे 'ट्रॅफिक जाम'; वाहनचालकांना नाहक त्रास

फातोर्डा: मडगाव येथील कोकण रेल्वे स्थानकावरून आकेच्या दिशेने येणाऱ्या प्रवाशांना नेण्यासाठी बसवाले पांडव कपेलच्या दिशेने असलेल्या रस्त्यावर वाहतुकीला अडथळा निर्माण करतात. हे बसवाले आपली बस मुख्य रस्त्याच्या ठिकाणी रस्त्यावर घेऊन उभे असतात, त्यामुळे पादचाऱ्यांना तसेच इतर वाहनचालकांना नाहक त्रास सहन करावा लागत आहे.

असे हे प्रकरण सकाळी सात वाजण्याच्यावेळी तसेच दुपारी एक ते दोन वाजण्याच्यावेळी मुख्य करून घडत असते. या ठिकाणी ट्रॅफिक पोलिस कार्यरत असले तरी त्यांच्या डोळ्यांदेखत हे सर्व घडत असते.

या रस्त्याच्या खाली दक्षिण गोवा अग्निशमन दलाचे कार्यालय आहे. आपत्कालीन वेळेसाठी त्यांना धाव घ्यावी लागत असते. त्यांनाही आपले वाहन ने-आण करण्यासाठी अडथळा निर्माण होत आहे.