Margao Railway Station : मडगाव रेल्वेस्थानकावर बेकायदेशीर दारू जप्त

Margao Railway Station :

फातोर्डा, मडगाव येथील कोकण रेल्वे स्थानकावर बेकायदेशीरपणे गोवा बनावटीचा मद्यसाठा बाळगल्याप्रकरणी आरपीएफ पोलिसांनी मूळ कर्नाटक येथील अशोक नामक युवकाला अटक करून त्याच्याकडून दारूच्या ३८ बाटल्या जप्त केल्या.

सोमवार, ११ रोजी सकाळी १० वा.च्या दरम्यान आरपीएफचे दोन हेडकॉन्स्टेबल प्रवेश कुमार व पाजी पवार हे प्लॅटफॉर्म क्रमांक १ वर गस्त घालत असताना एक युवक संशयास्पदरीत्या फिरत असल्याचे त्यांच्या दिसून आले.

नंतर त्या युवकाच्या बॅगची तपासणी त्यांनी केली असता त्या बॅगमध्ये गोवा बनावटीच्या ३८ विविध ब्रॅण्डच्या दारूच्या बाटल्या त्यांना आढळून आल्याची माहिती मडगाव आरपीएफचे प्रमुख अधिकारी विनोद मिश्रा यांनी दिली.