सांतिनेजमधील विवांता चौकात ‘स्मार्ट सिटी’च्या कामामुळे रस्ता खोदकाम करण्यात आले आहे. त्यामुळे आल्तिनोकडून कलाअकादमीकडे जाणाऱ्या आणि स्टेट बँकेकडून कला अकादमीकडे येणाऱ्या व कलाअकादमीकडून सांतिनेजकडे जाणाऱ्या वाहनांसाठीचा मार्ग तोकडा झाला आहे.
परिणामी चौकात वाहतूक कोंडीचे प्रकार घडू लागले असून, रस्त्याचे काम पूर्ण होईपर्यंत अशी वाहतूक कोंडी सहन करावी लागणार आहे.
स्मार्ट सिटीची पणजीत एकावेळी ठिकठिकाणी कामे सुरू आहेत, त्याचा फटका नागरिकांना होत आहे. कामे सुरू झाल्याने स्थानिकांना काही दिवस त्रास सहन करावा लागणार असल्याचे भाकीत यापूर्वीच इमेजिन पणजी स्मार्ट सिटी विकास लिमिटेडचे (आयपीएससीडीएल) व्यवस्थापकीय संचालक संजीत रॉड्रिग्स यांनी केले आहे.
स्मार्ट सिटीची कामे वेगवेगळी सरकारी खाते करीत आहेत, परंतु ‘आयपीएससीडीएल’कडेच सर्व बोट दाखवले जात आहेत.
मळावासीयांच्या समस्यांकडे दुर्लक्ष
मळावासीयांना वेगळ्याच समस्यांना तोंड द्यावे लागत आहे. सर्वत्र रस्त्याची कामे सुरू असल्याने वाहन असूनही वापर करता येत नाही. तर पार्किंगला जागा शोधावी लागत आहे. रुग्णवाहिका पोहोचेल का,अशीही भीती आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.