कांदोळीच्या पर्यटन माहिती केंद्रात 'नमस्ते चाय काउंटर'; कोण भागीदार, कोणाला मिळतोय नफा? परबांचा सवाल

रिव्होल्युशनरी गोवन्सचे संस्थापक मनोज परब नेहमी विविध मुद्दे उपस्थित करत असतात.
Tourist Information Centre at Candolim
Tourist Information Centre at Candolimdainik gomantak

रिव्होल्युशनरी गोवन्सचे संस्थापक मनोज परब (Manoj Parab) नेहमी विविध मुद्दे उपस्थित करत असतात. अलिकडेच त्यांनी म्हादई जागृतीसाठी काढलेली पदयात्रा चर्चेत राहिली, दरम्यान पहिल्याच दिवशी ही पदयात्रा रोखण्यात आली. विविध मुद्दे उपस्थित करत पदयात्रेला अटकाव करण्यात आला.

परब यांनी नुकतेच कांदोळी येथील पर्यटन माहिती केंद्रावरून (Tourist Information Centre, Candolim) काही प्रश्न उपस्थित केले आहेत. तसेच, गोवा सरकार एवढे दिवाळखोर झाले का? असेही परबांनी म्हटले आहे.

मनोज परब यांनी कांदोळी येथील पर्यटन माहिती केंद्राचे दोन फोटो शेअर करत एक ट्विट केले आहेत. "कांदोळी येथील पर्यटन माहिती केंद्रात नमस्ते चाय काउंटर आहे.. वाह भाई वाह... सरकार इतके दिवाळखोर झाले आहे का??? पर्यटन मंत्री रोहन खंवटे, यात भागीदार कोण आहे??? याचा नफा कोणाला मिळतोय???" असे ट्विट मनोज परब यांनी केले आहे.

Tourist Information Centre at Candolim
गोवा मुक्तीनंतर पहिल्यांदा PWD विभागाला मिळाली महिला मुख्य अभियंता

मनोज परब यांनी ट्विटमध्ये पर्यटन मंत्री रोहन खंवटे यांना टॅग करून प्रश्न विचारले आहेत.

याशिवाय एसपी उत्तर गोवा, गोवा पोलिस महासंचालक आणि गोवा मुख्यमंत्र्यांच्या अधिकृत ट्विट अकाउंटला टॅग करून त्यांचा उत्पन्न मिळवण्याचा हा नवीन मार्ग आहे का?? असा खळबळजनक सवाल उपस्थित केला आहे.

दरम्यान, याबाबत सरकारकडून कोणत्याही प्रकारचा अधिकृत खुलासा किंवा माहिती समोर आलेली नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com