कळंगुट: बागा येथील समुद्रात गुरुवारी पर्यटक बोट जलसफरीसाठी निघाली असता, लाटांच्या जबरदस्त तडाख्यांमुळे ही बोट पाण्यात बुडाली. या बोटीत १२ पुरुष-महिला पर्यटक होते. ‘दृष्टी’च्या जीवरक्षकांनी तात्काळ धाव घेऊन पर्यटकांना समुद्रात बुडण्यापासून वाचविले.
लाटेचा जोरदार तडाखा बसताच क्षणार्धात पाण्यात उलटलेल्या बोटीतून बाहेर काढेपर्यंत एक महिला तसेच एका पुरुषाला पोहता येत नसल्याने ते गटांगळ्या खाऊ लागले.
पर्यटन खात्याकडून मिळालेल्या माहितीनुसार, राल्फ मास्कारेन्हास यांच्या मालकीची ही बोट नोंदणीशिवाय आणि पर्यटन खात्याकडील आवश्‍यक परवान्याशिवाय वापरली जात होती, ती जप्त केली आहे. पर्यटनमंत्री रोहन खंवटे यांनी, बेकायदेशीरपणे बोटीतून पर्यटकांना जलसफरीसाठी नेण्याचे प्रकार सहन केले जाणार नाहीत, असा इशारा या दुर्घटनेनंतर दिला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.