Goa News: शिरगाव श्री लईराई देवीच्या जत्रेला यंदाही 'गोबी मंच्यूरियन'चे स्टॉल घालण्यास बंदी

शिरगाव श्री लईराई देवीच्या जत्रेला यंदाही 'गोबी मंच्यूरियन'चे स्टॉल घालण्यास बंदी. देवस्थान समितीकडून 'एफडीए'ला निवेदन. स्टॉल आढळल्यास कडक कारवाईचा इशारा.

फत्तावाडो, नेरुळ जवळील पेट्रोल पंपाच्या मागे असलेल्या वेरे येथे सुक्या गवताला आग लागल्याचे वृत्त आहे. ही आग जवळच्या शेतात वेगाने पसरली, त्यामुळे अग्निशमन दलाच्या कर्मचाऱ्यांनी त्वरित मदत केली आणि ती आटोक्यात आणण्याचे काम सुरू केले.

17 आणि 18 मे रोजी पणजीत बांदोडकर मैदानावर संपन्न होणार काजू महोत्सव.

शेळवण, कुडचडे येथे बेकायदेशीर रेती उत्कननवर केपे मामलेतदार व कुडचडे पोलीसांची धाड. सक्शन पंप व रेती जप्त.

मी जिथे आहे तिथे आनंदी आहे. माझ्या ऐवजी कळंगुटचे आमदार मायकल लोबो यांना मंत्रीपद मिळावे. त्यांना मंत्रीपद मिळाल्यास त्याचा पूर्ण बार्देश तालुक्याला फायदा होईल. मी मुख्यमंत्र्यांकडे मागणी करतो की त्यांनी मायकल लोबोंना मंत्री करावे. साळगांवचे भाजप आमदार केदार नाईकांची मागणी.

गोव्यातील अ‍ॅथलेटिक स्टेडियम बांबोळी नव्हे तर सांताक्रूझच्या हद्दीत येते. अ‍ॅथलेटिक स्टेडियम आणि डॉ. श्यामा प्रसाद मुखर्जी स्टेडियम दोन्ही सांताक्रूझ पंचायतीच्या हद्दीत येतात, ताळगाव किंवा बांबोळीच्या हद्दीत नाहीत. सध्या याबाबतीत पुढील कार्यवाहीसाठी काम सुरु आहे. सांताक्रूझ, मर्सेस आणि चिंबेलसाठी हा अभिमानाचा क्षण आहे: पंच इनासिओ परेरा

उत्तर गोव्यातील जवाहर नवोदय विद्यालय वाळपई येथील पालक शिक्षक संघाची आज महत्वाची बैठक संपन्न झाली. या बैठकीत विद्यालयाला भेडसावणाऱ्या विविध समस्याविषयी सविस्तर चर्चा करण्यात आली.

साखळी रवींद्र भवनतर्फे पाणी अडवा पाणी जिरवा व बोअरव्हेल या प्रकल्पाचा शुभारंभ अक्षयतृतीयेच्या मुहूर्तावर मुख्यमंत्री डॉ. प्रमोद सावंत यांच्या हस्ते करण्यात आला.

मालवाहू रेल्वेच्या धडकेत भावकई येथील वृद्ध महिला ठार. भावकई-मये येथील रेल्वे रुळावर अपघात. मृत महिला होती गुंगी आणि बहिरी.

मंगळवार (दि.२९) रोजी रात्री उशिरा कुंक्कळी पोलिसांनी मॅक्सवेल झेवियर फर्नांडिस (वय ३०) याला २५० ग्रॅम गांजासह अटक केली

ईव्ही चार्जिंग युनिट्स उभारण्यासाठी ५०% खर्च सरकार उचलणार.