फातोर्डा: लोकवेद हे आमच्या वडिलधाऱ्या माणसांचा वारसा. त्यांचे अनुभव या लोकवेदात सामावलेले आहेत. आजच्या पिढीला आपल्या वारशाची माहिती असणे गरजेचे आहे. ही माहिती लोकसाहित्याचा शिक्षणामध्ये समावेश केला तरच ते शक्य असल्याचे लोकवेद संशोधक डॉ. जयंती नायक यांनी सांगितले. कोकणी भाषा मंडळाने आयोजित केलेल्या लोकसाहित्यावरील व्याख्यानात डॉ. नायक बोलत होत्या.
ज्ञान मिळविण्याच्या प्रक्रियेत काही गोष्टी कालबाह्य असल्या तरी आधुनिक काळात योग्य दिसणाऱ्या गोष्टी आम्ही पुढील पिढी पर्यंत पोहोचविणे तेवढेच गरजेचे असल्याचे त्या म्हणाल्या. आधुनिक काळातही लोकसाहित्याचा मुलांवर काय संस्कार होऊ शकतात त्याची माहिती डॉ. नायक यांनी दिली.
या व्याख्यानाला शिक्षक व विद्यार्थी मिळुन 160 जणांनी भाग घेतला. मंडळाच्या कार्यकारी समितीचे सदस्य नंदन कुंकळकर यांनी डॉ. जयंती नायक यांची ओळख करुन दिली. वैदही झारापकर हिने कार्यक्रमाचे संयोजन केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
