खाण आणि भूविज्ञान संचालनालयाने मेटल स्क्रॅप ट्रेडिंग कॉर्पोरेशन (MSTC) मार्फत डिचोली तालुक्यातील मुळगाव, मये, शिरगांव आणि सांगे मधील काले या चार खाण ब्लॉक्सच्या ई-लिलावासाठी निविदा मागवल्या होत्या. शेवटच्या तारखेपर्यंत म्हणजेच २२ नोव्हेंबरपर्यंत एकूण ५१ निविदा कागदपत्रांची विक्री झाली असून 28 नोव्हेंबर हा बोलीचा अंतिम दिवस आहे. तांत्रिक निविदा २९ नोव्हेंबर रोजी उघडल्या जातील.
या खाणी पूर्वी मेसर्स नार्वेकर, मेसर्स राजाराम बांदेकर, मेसर्स चौघुले अँड कंपनी प्रायव्हेट लिमिटेड आणि सेसा मायनिंग कॉर्पोरेशन यांसारख्या खाण कंपन्यांद्वारे चालवल्या जात होत्या. या चार खाण ब्लॉक साइट्सवर आधी काढलेल्या लोहखनिजावर सरकारने आपले अधिकार राखून ठेवले आहेत. तसेच खाण आणि भूविज्ञान संचालनालयाने (DMG) निविदा पत्रात तसा उल्लेख केला आहे कि, उत्खनन केलेल्या खनिजाची विक्री, लिलाव किंवा इतर कोणत्याही मार्गाने विल्हेवाट लावणे हा राज्य सरकारचा अधिकार आहे.
यापुढे डीएमजीने स्पष्ट केले आहे की ई लिलावासाठी योग्य बोली लावणाऱ्याला त्या जागेवर आधीच पडलेल्या खनिजाच्या त्या भागाची विल्हेवाट लावण्याचा अधिकार आहे. तसेच या भागावर सरकार आपला हक्क सांगणार नाही. तसेच या शुद्धीपत्रकात म्हटले आहे कि लिलावासाठी ठेवलेल्या चार खाण ब्लॉक्समध्ये अंदाजे 135 दशलक्ष टन धातूचा साठा आहे. आजच्या स्थितीत देशाच्या 60 टक्के लोह खनिजाच्या निर्यातीची जबाबदारी एकटा गोवा पार पाडतो. त्यामुळे केवळ पर्यटनच नव्हे तर खाण व्यवसायावरही गोव्याची अर्थव्यवस्था कायम अवलंबून आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
