IFFI 2023 : ‘इफ्फी उद्‌घाटना’ला पाऊण तास उशीर

IFFI 2023 : ​पणजी ५४व्या भारतीय आंतरराष्ट्रीय चित्रपट महोत्सवाच्या (इफ्फी) उद्‌घाटन सोहळ्याला सुरवात होण्यापूर्वीच अनेक समस्यांना तोंड द्यावे लागले.

वातानुकूलीत यंत्रणा बंद पडल्यामुळे श्यामाप्रसाद मुखर्जी स्टेडियममधील प्रेक्षक घामाघूम झाले होते. तसेच वाहनांची पार्किंग व्यवस्थाही नीट नव्हती. यामुळे उद्‌घाटन सोहळा ४५ मिनिटे उशिरा सुरू झाला.

निमंत्रण पत्रिकेवर म्हटल्याप्रमाणे सायंकाळी ५ वाजता सुरू होणारा कार्यक्रम प्रत्यक्षात ५.४५ वा.च्या सुमारास सुरू झाला. उपलब्ध माहितीनुसार, उद्‌घाटन समारंभात ज्या काही बसेस प्रवासी घेऊन स्टेडियमवर सोडायच्या होत्या, त्या आयनॉक्स मल्टिप्लेक्समधून सायंकाळी ५ वाजता कार्यक्रम सुरू होणार असतानाही दुपारी २.३० वाजता सोडण्यास सुरवात झाली.