Tiswadi News : पर्यावरण टिकवून ठेवणे काळाची गरज : आशिष प्रभुदेसाई

Tiswadi News :

तिसवाडी, रायबंदर येथील बालभारती विद्यामंदिर शाळेत जागतिक पर्यावरण दिन साजरा करण्यात आला. गोमन्तककडून यानिमित्त वृक्षारोपण सोहळा आयोजित करण्यात आला होता.

यावेळी गोवा शालान्त मंडळाचे माजी अध्यक्ष पांडुरंग नाडकर्णी, प्राध्यापक आशिष प्रभुदेसाई, बालभारती विद्यामंदिराच्या मुख्याध्यापिका एपोलोनिया फर्नांडिस, गोमन्तकचे महाव्यवस्थापक विजू पिल्ले, व्यावसायिक दिनेश सिनारी, गोमन्तकचे वितरण व्यवस्थापक संजय पाटील आणि पीटीए अध्यक्ष संजय सावंत उपस्थित होते.

वृक्षारोपण कार्यक्रमानंतर प्रा. आशिष प्रभुदेसाई यांनी विद्यार्थ्यांना पर्यावरणाबद्दल सादरीकरण केले. पर्यावरणाचे संवर्धन करण्यासाठी आम्ही जागरूक राहण्याची आवश्यकता प्रभुदेसाई यांनी सांगितली. आज ग्लोबल वॉर्मिंग वाढत असून यासाठी पर्यावरण टिकून ठेवणे काळाची गरज आहे, असे प्रभुदेसाई म्हणाले.

यावेळी बोलताना पांडुरंग नाडकर्णी म्हणाले की, आज तुम्ही विद्यार्थ्यांनी पुढील ८७ वर्षासाठी गोव्यातील पर्यावरणाची काळजी घेतली पाहिजे. हे जग आपले असून त्याचे जतन करण्याची गरज आहे. कार्यक्रमानंतर विजू पिल्ले यांनी आशिष प्रभुदेसाई, पांडुरंग नाडकर्णी, दिनेश सिनारी, एपोलिनिया फर्नांडिस आणि संजय सावंत यांचा स्मृतीचिन्ह प्रदान करून आभार मानले. कार्यक्रमाचे सूत्रसंचालन गोमन्तकचे भारत पोवार यांनी केले.