Tiswadi News : डोंगरीत डेंग्यूचा संसर्ग; परिसर स्वच्छ ठेवण्याच्या सूचना

Tiswadi News :

तिसवाडी सांतआंद्रेतील डोंगरी गावात डेंग्यूचा संसर्ग झाला असून रॅपीड चाचणीत रुग्ण आढळल्याने परिसरात भीती पसरली आहे.

आरोग्य खात्याच्या पथकाने डोंगरीतील धाकटे भाट येथे येऊन डेंग्यूचा स्रोत शोधून काढला आहे. लोकांना परिसर स्वच्छता ठेवण्याची सूचना केली आहे.

धाकटे भाट, डोंगरी भाट येथे गेल्या काही दिवसात डेंग्यूचे रुग्ण आढळल्याने भीती निर्माण झाली होती. त्यात रॅपीड चाचणीत काही जणांचा अहवाल सकारात्मक आल्याने चिंता वाढली. याची दखल पणजीतील आरोग्य खात्याच्या मुख्यालयातून निरीक्षणासाछी पथक आले.