पणजी : तिसवाडीच्या (Tiswadi) उपजिल्हाधिकाऱ्यांनी (Deputy Collector) सशर्त परवानगी दिल्याने आता तिसवाडी तालुका बुद्धिबळ संघटना (Chess Association) निवडणुकीचा मार्ग मोकळा झाला आहे. आता ही निवडणूक येत्या रविवारी होईल.यासंबंधीची माहिती मंगळवारी गोवा बुद्धिबळ संघटनेचे सचिव किशोर बांदेकर (Kishor Bandekar) यांनी दिली. त्यांनी सांगितले, की "कोविड-19 (covid 19) विषयक सरकारी मार्गदर्शक शिष्टाचाराचे पालन करून चार जुलै रोजी निवडणूक घेण्यास तिसवाडी तालुका बुद्धिबळ संघटनेस परवानगी देण्यात आली आहे. सासष्टी तालुका बुद्धिबळ संघटनेच्या निवडणुकीस परवानगी मिळविण्यासाठी प्रयत्न सुरू आहेत."(Tiswadi Chess Association paves way for elections)
गोवा (Goa) बुद्धिबळ संघटनेशी एकूण 12 तालुका संघटना संलग्न आहेत. त्यापैकी तिसवाडी व सासष्टी (Salcete) तालुका वगळता इतर दहाही तालुका संघटना बिनविरोध ठरल्या आहेत. सर्व तालुका संघटनांचे अध्यक्ष व सचिव येत्या 30 जुलै रोजी नियोजित असलेल्या राज्य संघटनेच्या निवडणूक प्रक्रियेत भाग घेतील.तिसवाडी व सासष्टी तालुका बुद्धिबळ संघटनेची निवडणूक गेल्या रविवारी नियोजित होती, पण दोन्ही संघटनेतील मतदार संख्या जास्त असल्याने कोविड-19 मार्गदर्शक शिष्टाचाराची पायमल्ली होण्याच्या शक्यतेने निवडणुकीस प्रशासनाकडून परवानगी नाकारण्यात आली होती. तिसवाडी तालुका बुद्धिबळ संघटनेत 119, तर सासष्टी तालुका बुद्धिबळ संघटनेत एकूण 56 मतदार आहेत.
शंभर जणांनाच परवानगी
तिसवाडी तालुका बुद्धिबळ संघटनेचे सचिव अरविंद म्हामल यांनी सांगितले, की रविवारी मळा-पणजी येथील महालक्ष्मी वाचन मंदिरात सकाळी साडेनऊ ते दुपारी दोन या कालावधीत निवडणूक प्रक्रिया होईल. कोविड-१९ मार्गदर्शक शिष्टाचाराचे पालन करताना निवडणूक सभागृहात शंभरपेक्षा जास्त जण उपस्थित राहू नयेत, अशी अट पाळावी लागेल. तसे स्पष्ट निर्देश उपजिल्हाधिकाऱ्यांनी आदेशात दिले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
