Calangute Tibet Market: कळंगुटमधील तिबेटी लोकांचा दलाई लामांना पाठिबा; वादग्रस्त व्हिडिओचा केला निषेध

Calangute Tibet Market : तिबेटचे धर्मगुरू दलाई लामा यांचा एक व्हिडिओ काही दिवसांपुर्वी व्हायरल झाला होता. त्यावरून बरेच वादळ उठले होते. टिका-टिपण्णीही झाली होती

त्या पार्श्वभुमीवर कळंगुट येथील तिबेटी लोकांनी या व्हिडिओचा निषेध केला. तसचे कळंगुटमधील तिबेट मार्केटमध्ये दलाई लामांच्या समर्थनाथ मूक आंदोलन केले.

दलाई लामा एका मुलाला आशीर्वाद देताना त्याचे चुंबन घेत असल्याचा व्हिडिओ सोशल मीडियावर व्हायरल झाला होता. त्यामुळे तिबेटी लोकांच्या भावना दुखावल्या होत्या.

तिबेटी वंशाचा वैद्यकीय विद्यार्थी तेनझिन याने जगाला शांततेचा संदेश देणाऱ्या चौदाव्या दलाई लामांच्या लीक झालेल्या व्हिडिओ फुटेजविरोधात आपले म्हणणे मांडले.

जुन्या व्हिडिओ क्लिप मु्द्दाम अपमानित करण्यासाठी पसरवल्या जात आहेत. तिबेटमध्ये जुलेधा नावाची परंपरा आहे. त्यात वडील मुलाचे चुंबन घेतात. हा भावनिक मुद्दा आहे.

दरम्यान, विंझिन नावाच्या विद्यार्थ्याने सांगितले की, जुना व्हिडिओ प्रसारित करून समाजात चुकीचा संदेश पसरविण्याचा प्रयत्न केला जात आहे. या कृत्याला कुणीही बळी पडू नये. हा व्हिडिओ एडिटेड आहे.

लोकांनी योग्य माहिती घेऊन व्यक्त व्हावे. अर्धवट माहितीवरून दलाई लामांवर टिका करणाऱ्या सेलिब्रिटींचाही यावेळी निषेध करण्यात आला.