वाळपई येथे भिरोंडा पंचायत क्षेत्रातील पाटील पेट्रोल पंपजवळ असलेल्या नाणूस भागात रविवार, १८ जून रोजी दुचाकी आँफ रोडचा थरार पाहावयास मिळाला आहे. तपला बाँयज, मोटर्स स्पोर्ट्‌स क्लब, मोटो ट्रिप यांच्यातर्फे या स्पर्धेचे आयोजन केले होते. सकाळी ८.३० वाजता स्पर्धेला प्रारंभ करण्यात आला. यात अनेक गोवा तसेच बाहेरील राज्यातील स्पर्धकांनी सहभाग घेतला होता.
अत्यंत अडचणीच्या कमी जागेतून पायवाटेतून चिखलमय भागातून दुचाकीस्वारांना जाताना रोमांच येत होता. वळण, चढाव, उतार अशा आडमार्गाने दोन किलोमीटरचा प्रवास ठेवण्यात आला होता. आयोजक अल्ताफ खलिफा म्हणाले, या स्पर्धेत राज्याबरोबरच राष्ट्रीय पातळीवरूनदेखील स्पर्धक सहभागी झाले आहेत. राज्यात रस्ते अपघात वाढले आहेत. त्यावर नियंत्रण येणे गरजेचे आहे. अशा स्पर्धेतून चालकांना सुरक्षा किती महत्त्वाची असते याचे भान होणार आहे. तरुणांना अशा साहसी खेळातून धारिष्ट्य निर्माण करण्याचा प्रयत्न आहे. सहभागी होण्यासाठी ऑनलाईन नोंदणी सुरू आहे.
सायंकाळपर्यंत रंगत
भिरोंडा पंचायत क्षेत्रात रस्त्याच्या बाजूलाच अगदी अडचणीच्या वाटेतून हा दुचाकीचा थरार पाहावयास मिळाला. चिखल, निसरडा रस्ता, अरुंद रस्ता, झाडेझुडपे अशा अडचणीच्या वाटेतून एकावेळी एकच दुचाकी अशी ही स्पर्धा सायंकाळपर्यंत रंगली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
