Goa Crime News : म्हापसा कळंगुटमध्ये एका माजी आमदाराला धमकी तसेच शिविगाळ केल्याचा प्रकार उघडकीस आला आहे. या प्रकरणी माजी आमदाराने पोलिसांत तक्रार दिली असून दोघा संशयितांना अटक करण्यात आली आहे तर एक संशयित फरार आहे. फरार आरोपींचा शोध पोलिस घेत आहेत.
याप्रकरणी अधिक माहिती अशी की, कळंगुटमधील पोरबावाडा येथे ही घटना घडली. माजी आमदाराने पोरबावाडा येथील एका रिर्साटच्या बाजूच्या गल्लीतून कार बाहेर रस्त्यावर घेतली.
गाडी बाहेर घेत असताना काही युवकांनी अंगावर गाडी घातल्याचा दावा करत हुज्जत घालण्यास सुरुवात केली. त्या संबंधित युवकाने आपल्या दोघा मित्रांना त्या ठिकाणी बोलावून घेतले.
युवकाने माजी आमदाराला अटकाव तसेच गाडीतील त्यांच्या मित्राला शिविगाळ केली आणि जाळून मारण्याची धमकी दिली तसेच कारच्या दरवाजाची मोडतोड केली.
ही घटना शुक्रवारी मध्यरात्री साडेअकराच्या सुमारास घडली. याबाबतची तक्रार माजी आमदाराने कळंगुट पोलिसांत दिली. तक्रारीच्या आधारे पोलिसांंनी संशयिताविरुध्द गुन्हा दाखल करण्यात आला आहे.
या गुन्ह्याखाली संशयित सर्वेश दिनकर(21) व मेल्कॉम फर्नांडिस दोघेही राहणार नागवा यांना अटक करण्यात आली आहे. तक जयलॉन नामक संशयित फरार आहे. फरार संशयिताचा शोध पोलिस घेत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
