म्हापसा: थिवी येथे घरफोडी करून १ कोटी ८५ लाख रूपये रोख चोरल्याच्या आरोपाखाली कोलवाळ पोलिसांनी कबीर प्रधान (रा. बागा-कळंगुट) यास अटक केली आहे. चोरीचे हे प्रकरण सोमवारी (ता.१) उघडकीस आले.
घरात ठेवलेली १ कोटी ८५ लाख रूपयांची रोकड चोरीस गेल्याचे तक्रारीत म्हटले आहे. फिर्यादी चंद्रकांत गाड यांनी याप्रकरणी पोलिसांत तक्रार नोंदवली असून चौकशीवेळी ही चोरी तक्रारदाराच्या नातीच्या एका मित्राने केल्याचे आढळून आले.
संशयित आरोपी हा फिर्यादीच्या नातीसोबत अधून मधून घरी येत होता. त्याला घरात मोठी रक्कम असल्याची माहिती होती. संशयिताने एका मित्राच्या साहाय्याने ही चोरी केली. फिर्यादी कुटुंबीय घराबाहेर असल्याची संधी साधून संशयिताने या बंद घरात प्रवेश केला आणि घरातील सर्व रक्कम चोरून नेली.
दरम्यान, तक्रार दाखल होताच पोलिसांनी संशयित आरोपीला ताब्यात घेतले. पोलिसांनी संशयिताकडून चोरीतील ७ लाख रूपये रक्कम जप्त केले आहेत.
संशयिताने चोरीतील रक्कम काही ठिकाणी गुंतवली असून तेही जप्त करण्याची प्रक्रीया पोलिसांनी चालवली आहे. याप्रकरणात संशयिताचा एक साथीदार असून त्याचा शोध पोलीस घेत आहेत. पुढील पोलीस निरीक्षक संजीत कांदोळकर यांच्या मार्गदर्शनाखाली पोलीस करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.