उच्च न्यायालयाने आदेश देऊनही मडगावच्‍या एसजीपीडीएच्‍या होलसेल मासळी मार्केट परिसरात पडून असलेल्या थर्माकाेलच्‍या राशी अजूनही तशाच असून त्‍यावर पालिका दुर्लक्ष का करते, असा सवाल स्‍थानिक करत आहेत.
दरम्‍यान, पर्यावरणाला हानिकारक असलेल्या कोणत्याही वस्तूंना मडगाव येथील घाऊक मासळी बाजार परिसरात थारा देण्यात येत नाही, असे सोपो कंत्राटदार राहुल शानभाग यांनी म्‍हटले आहे. मात्र, मार्केटबाहेर कोण काय करतो, त्‍यावर आमचे नियंत्रण नाही, असेही त्‍यांनी सांगितले.
उच्च न्यायालयाने एसजीपीडीए घाऊक मासळी बाजार परिसर स्वच्छ ठेवण्यासाठी कठोर निर्देश देऊनही मडगाव नगरपालिकेला स्‍वच्‍छता राखण्यात अपयश आले आहे. मार्केटला लागूनच आणि मार्केटच्या शेजारी असलेल्या शेतातही मोठ्या प्रमाणात थर्माकोल टाकले जात आहे. याबद्दल स्‍थानिकांनी मडगाव पालिकेकडेही तक्रारी केल्‍या आहेत.
आम्ही मार्केट परिसरात थर्माकोलचा एक बॉक्सही ठेवू देत नाही. काही माशांचे ट्रक थर्माकोल रस्त्यावर टाकत आहेत आणि जवळच्या शेतात फेकत आहेत. थर्माकोलचे बॉक्स बाजारात आढळल्यास आम्ही दंड करतो. कचरा टाकला आहे ते पालिका क्षेत्र आहे, ताे त्यांना साफ करावा लागेल, असे कॉन्ट्रॅक्टर शानभाग म्हणाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.