Dayanand Narvekar: माजी मंत्री दयानंद नार्वेकर यांनी काही महिन्यांपूर्वी कॉंग्रेसला रामराम करून आम आदमी पार्टीमध्ये प्रवेश केला होता. 'राज्यात कॉंग्रेस (Congress) संपली आहे, तर भाजपचा (BJP) कारभार संशयाच्या भोवऱ्यात सापडला आहे. अशा काळात राज्याला ‘आप’ (AAP) हा एकमेव पक्ष पर्याय आहे', असे मत व्यक्त करत त्यांनी 'आप'ला हिरवा कंदील दाखवला होता. पण आपतर्फे विधानसभा निवडणुकीसाठी (Goa Assembly Elections 2022) पर्वरीतून रितेश चोडणकर यांना उमेदवारी जाहीर करण्यात आली आहे. आणि यामुळेच नार्वेकर (Dayanand Narvekar) यांनी आता 'आप'ला रामराम करत अपक्ष निवडणूक लढण्याचा निर्धार केला होता.
नार्वेकर हे पर्वरीतून अपक्ष निवडणूक लढणार असल्याचे जवळजवळ निश्चित झाले असताना, आता यामध्ये नवीन माहिती समोर येत आहे. दयानंद नार्वेकर हे आता पर्वरीतून ही निवडणूक लढवणार नसल्याचे म्हटले जात आहे. कारण नार्वेकर यांना कोरोनाची लागण झाली असून ते सध्या विलगीकरणात आहेत. त्यामुळे त्यांनी या निवडणुकीतून माघार घेतली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
